Cynllun Bondiau

Ydych chi:

• Yn byw mewn llety gwael neu lety eilradd?
• Yn chwilio am gymorth neu gyngor ar unrhyw fater sy'n ymwneud â thai?
• Yn awyddus i gael Bond/Blaendal er mwyn gallu cadw llety?
• Yn landlord?

Os felly, cysylltwch â Chymdeithas Gofal Ceredigion a siarad â'r Gweithiwr Bondiau a fydd yn gallu egluro mwy am y Cynllun Gwarantu Bondiau a sut allwn ni eich cynorthwyo.

Gair am y cynllun

Sefydlwyd y cynllun bondiau ym mis Ebrill 1999 ac mae'n cael ei gyllido gan Lywodraeth Cynulliad Cymru'n bennaf.  Mae'r Cynllun yn gweithredu drwy Geredigion oll ac yn cynnig help a chefnogaeth i bobl leol i ffeindio a sicrhau llety addas, fforddadwy yn y sector preifat.

Sut allwn ni eich cynorthwyo chi?

Fe helpith Cynllun y Bond pobl i archwilio gwahanol opsiynau cartrefu gyga golwg ar sicrhau llety. Fe gynigiwn ni gyngor ar amryw faterion perthnasol i denantiaid. Gallwn ni roi gwarant bond (nid arian parod) i'r rhai sy'n cwrdd â'n meini prawf ni ac efallai helpu cleientiaid i gael blaen-dâl rhent.  Fe allwn gyflafareddu rhwng landlord a thenant, os gofynnir i ni wneud.

Mae gen i ddiddordeb, beth yw'r cam nesaf?

Os ydych yn teimlo y gallai'r Cynllun Bondiau eich cynorthwyo, neu os hoffech gael rhagor o wybodaeth, yna cysylltwch â swyddfa Aberystwyth neu Aberteifi a threfnu apwyntiad â'r Gweithiwr Bondiau.  Bydd hwnnw'n gallu egluro sut fydd y Cynllun o gymorth i chi.

Pryd alla i weld Gweithiwr Bondiau?

Mae apwyntiadau ar gael yn ystod y dydd (9am - 4pm), dydd Llun i ddydd Gwener.  Mae'r Cynllun Bondiau ar gael drwy Geredigion ac mae'n cael ei weithredu o swyddfeydd Cymdeithas Gofal Ceredigion yn Aberystwyth ac Aberteifi.